Tamezwarut
الأولى
Homepage
Murakuc
المغرب
Morocco
Dzayer
الجزائر
Algeria
Lmed Tamaziɣt
تعلم الأمازيغية
Learn Berber
Tamkaṛḍit Tamaziɣt
المكتبة الأمازيغية
Berber library
Amawal Amaziɣ
القاموس الأمازيغي
Berber dictionary

Yenna umedyaz: Ayyuz izmawen ...!

Ɛli Xeddawi


 
Ɛli Xeddawi (Ali Khadaoui)

Yenna umedyaz


Deg tsemɣurt enna gant tmesmunin en Fazaz i yinekraf en Yimaziɣen deg Meknas ass en 17 Yulyuz 2016

 

              Ayyuz izmawen … !


A sin itbiren igan ismunen iwet usiwan 


Taratsa agg iten gan kkan tẓa useggʷas


Ɣran akkʷ mag llan ussin akkʷ tawessna


Ffɣen-idd d-izmawen gin ayur ar ten teffur


Ay asammer awi-dd aɣ-ak afus en msella


Ussar izri uzwu enna ax yekkaten iwetta


Ussar i nga gellin ussar i en tusselka


Tamaziɣt enneɣ dix att alit es afella


Ad am imɣur waddur ussar asen i teknit


Ad naɣul es abeddur ula qqimex i yiẓra


Usayya nneɣ i gellin yewca ixef i wafa


Gellin awed Aduc yewca ixef i wafa


Yak an ameẓ izerfan nna xef iddan es wass


Enna yomeẓ umeddallu wcan as et Yiṛomiyen


Yak ad yewwet axedmi i warraw es yifesti


I Muḥa ed Ɛebd-Krim ed Ɛessu en Ayet Oɛeṭṭa


Willin yecfan idammen wcin ixef i wacal


Imaziɣen imzwura rix wer ten tettum


Awa kund ihezzan xes att annyem teddum


Arraw izmawen dix aɣul ansa tekkam


Ɣas ad yender tebbit a tassa en mis en ca


Yaɣul wedrar iga afus i usammer yameẓ 


Wayyad gind yan assa iwḍen Meknas


Grat asɣured gat tawala rzat awal


Grat izlan dɣi tililli nneɣ ayenna


Tililli ennek Adouch ula tinek Usayya


Tilili nnegh ayt ga nella akʷ es yikuraf


Wenn wer yewwiten dat ula yewwet i deffir


Amaziɣ ur et gin ula winneɣ ayenna


Ayyuz izmawen diɣ dduyat es afella


Ssarat timizar ẓrat ayt icenyal


Hezzat ixfawen dat umata rzat awal


Is iburez umezruy nna tujjam i wiss


Enn issen may tga issinen ansa tekkam


Ay Asammer amezruy ussar ikʷen yettettu


Ellig iy tecfit Nba Usayya ula Aduc


Imaziɣen yezzenzen amur ennes i wafa


Yak ad yekker umerdul ennun imnu wamur


Ɛomaṛ izem awed yan ussar ikʷen yettettu…


Rifinox awed yan ussar ikʷen yettettu…


Ɛli Xeddawi (Ali Khadaoui)


Qniṭra, Murakuc, deg 17 Yulyuz 2016









 
Iwenniten n imeɣṛan
تعليقات القراء
Readers' comments


comments powered by Disqus
 


Tamezwarut
الأولى
Homepage
Murakuc
المغرب
Morocco
Dzayer
الجزائر
Algeria
Lmed Tamaziɣt
تعلم الأمازيغية
Learn Berber
Tamkaṛḍit Tamaziɣt
المكتبة الأمازيغية
Berber library
Amawal Amaziɣ
القاموس الأمازيغي
Berber dictionary